វ៉ាក់សុំាងបង្ការជំងឺទាំង ៥មុខ (ខាន់ស្លាក់ . តេតាណូស . ក្អកមាន់ . ស្វិតដៃជើង . អេម៉ូហ្វីលីសប្រភេទបេ)

 ១. ហេតុអ្វីអ្នកត្រូវទទួលវ៉ាក់សុំាងនេះ?

- ជំងឺខាន់ស្លាក់

ការបង្ករោគដោយមេរោគខាន់ស្លាក់អាចបណ្តាលអោយមានភ្នាសក្រាស់ នៅផ្នែកខាងក្រោយនៃបំពង់ក ដែលអាចអោយមានអាការះពិបាកដកដង្ហើម សាច់ដុំចុះខ្សោយ វិបត្តិបេះដូងសរសៃឈាម និងអាចស្លាប់ ។

- ជំងឺតេតាណូស

ការបង្ករោគដោយមេរោគតេតាណូសអាចបណ្តាលអោយមានអាការះឈឺសាច់ដុំ និង កន្រ្ទាក់រឹងខ្លួនទាំងមូល ការកន្ទ្រាក់ខ្លាំងដល់រឹងថ្គាម បណ្តាលអោយអ្នកជំងឺមិនអាចហាមាត់ រឺលេបអាហារបានឡើយ ។ ជំងឺតេតាណូសនេះអាចបណ្តាលអោយ ស្លាប់ប្រមាណជា ២០ ភាគរយនៃករណីជំងឺ ។

- ជំងឺក្អកមាន់

ការបង្ករោគដោយមេរោគក្អកមាន់អាចបណ្តាលអោយមានអាការះក្អកជាប់គ្នាមិនដាច់ ដែលវាអាចបណ្តាលអោយកុមារតូចៗមិនអាចបៅ ឬផឹកបាន ដែលអាការះនេះអាចមានរយះពេលយូររហូតដល់ច្រើនសប្តាហ៏ ។ វាអាចមានផលវិបាកធ្ងន់ធ្ងរផ្សេងៗដូចជា រលាគសួត ប្រកាច់ ខូចខួរក្បាល រឺ ស្លាប់ ។

- ជំងឺស្វិតដៃជើង 

ជាទូទៅ ការបង្ករោគដោយមេរោគគ្រុនស្វិតដៃជើងមិនបណ្តាលអោយមានជំងឺធ្ងន់ធ្ងរឡើយ ក៏ប៉ុន្តែពេលខ្លះ វាបង្ករអោយមានភាពខ្វិនអាវយវះ (សាច់ដុំមិនអាចកំរើកបាន) និងរលាគស្រោមខួរក្បាល ហើយអាចបណ្តាលអោយស្លាប់បាន តាមរយះការធ្វើអោយពិការសាច់ដុំដកដង្ហើម (ដកដង្ហើមលែងកើត)​ ។

_ ជំងឺបង្កដោយអេម៉ូហ្វីលីសប្រភេទបេ (Hib B) 

អេម៉ូហ្វីលីសប្រភេទបេ គឺជាមេរោគដែលគេជួបញឹកញាប់ជាងគេ ក្នុងជំងឺរលាគស្រោមខួរ លើកុមារអាយុតិចជាង៥ឆ្នាំ ហើយអាចបណ្តាលអោយខូចខួរក្បាល រឺ ថ្លង់បាន ។ មេរោគនេះក៏អាចបណ្តាលអោយមានផលវិបាកមួយចំនួនទៀត ដូចជា រលាគសួត ឈឺបំពង់ក រលាគសន្លាក់ឆ្អឹង និងស្លាប់បាន ។

២.  តើកុមារគួរទទួលវ៉ាក់សុំាងបង្ការជំងឺនេះនៅពេលណា?

កុមារត្រូវទទួលវ៉ាក់សុំាងនេះចំនួន ៥ដងរួមាមាន៖
- ដូសទី១ ៖ នៅពេលកុមារមានអាយុ ១ខែកន្លះ

_ ដូសទី២​ ៖ នៅពេលកុមារមានអាយុ ២ខែកន្លះ

- ដូសទី៣ ៖ នៅពេលកុមារមានអាយុ ៣ខែកន្លះ

- ដូសទី៤ ៖ នៅពេលកុមានរមានអារយូ ១៨ខែ

- ដូសទី៥ ៖ នៅពេលកុមារមានអាយុ ៦​ - ៧ ឆ្នាំ

ក្នុងកណីចាំបាច់ វ៉ាក់សុំាងនេះត្រូវបានគេចាក់រំលឹករាល់១០ ឆ្នាំម្តង ។

៣. តើកុមារណាខ្លះដែលមិនគួរទទួលវ៉ាក់សុំាងនេះ?

- កុមារដែលធ្លាប់មានប្រវត្តិប្រតិកម្មធ្ងន់ធ្ងរ ជាមួយវ៉ាក់សុំាងប្រភេទនេះពីមុន ឬ ធ្លាប់ប្រតិកម្មធ្ងន់ធ្ងរជាមួយសមាសធាតុផ្សំផ្សេងទៀតដែលមាន ក្នុងវ៉ាក់សុំាងនេះ

- កុមារដែលធ្លាប់មានអាការះប្រកាច់ ឬ ជំងឺផ្នែកសរសៃប្រសាទ ក្នុងអំឡុងពេល ៧ថ្ងៃក្រោយពីបានចាក់វ៉ាក់សុំាងប្រភេទនេះ ។

៤. ផលវិបាកដែលអាចកើតមានក្រោមពេលចាក់វ៉ាក់សុំាងនេះ

ក៏ដូចជាឧសថផ្សេងៗទៀតដែរ វ៉ាក់សុំាងអាចបណ្តាលអោយមានផលវិបាកធ្ងន់ធ្ងរ ដូចជា ប្រតិកម្ម អាលែកស៊ី ជាដើម ។ ប៉ុន្តែ លទ្ធភាពដែលវ៉ាក់សុំាងបង្ការនេះ អាចបណ្តាលអោយមានផលវិបាកធ្ងន់ធ្ងរមានតិចតួចបំផុត ។ ផលវិបាកដែលអាចកើតមានឡើងរួមមាន ៖

- ឈឺ ឬ ហើមត្រង់កន្លែងចាក់

- គ្រុនក្តៅ ឡើងកន្ទួលក្រហមលើស្បែក

- ប្រកាច់ សន្លប់ រឺ យំមិនឈប់ (កម្រមានណាស់) 

- ប្រតិកម្មធ្ងន់ធ្ងរ (កម្រមានណាស់)

*** ប្រសិនបើមានសញ្ញាប្រតិកម្មធ្ងន់ធ្ងរ សូមជូនដំណឹងដល់គ្រូពេទ្យជាបន្ទាន់ ***